გაკვეთილის გეგმა

გაკვეთილის მთავარი თემა	საქართველოს გეოგრაფიული მდებარეობა
საგანი/პედაგოგი	გეოგრაფია/იამზე ნაცვალაძე
სწავლების საფეხური/კლასი	საბაზო საფეხური/IX კლასი
მოსწავლეთა პროფილი	9 მოსწავლე/განსაკუთრებული საჭიროებების მიდგომების მოსწავლეები არ არიან.
გაკვეთილის მნიშვნელობა/აქტუალობა	·         მოსწავლეებს განუვითარდებათ ინფორმაციის გაანალიზების, ინტერპრეტაციისა და შეფასების უნარი; ·         საკუთარი მოსაზრებების გამოთქმის, არგუმენტირებისა და დასკვნების გამოტანის გაკეთების უნარი.
გაკვეთილის მიზანი და მისაღწევი შედეგები	გეო.IX.1. მოსწავლეს შეუძლია რუკების და სხვა  თვალსაჩინოებების (ფოტოები, გრაფიკები, ცხრილები, დიაგრამები და სხვა) დახმარებით დაახასიათოს ადგილი, მოვლენა და პროცესი; შეადგინოს თემატური რუკები. შედეგი თვალსაჩინოა, თუ მოსწავლე: აანალიზებს რუკების, გრაფიკების, ცხრილების, დიაგრამების და სქემების საშუალებით წარმოდგენილ გეოგრაფიულ ინფორმაციას; გეო.IX.2. მოსწავლეს შეუძლია განიხილოს საქართველოს მდებარეობა და დაადგინოს  მისი მნიშვნელობა ქვეყნისათვის.    შედეგი თვალსაჩინოა, თუ მოსწავლე: ·      ხსნის ფიზიკურ-გეოგრაფიული, ეკონომიკურ-გეოგრაფიული და გეოპოლიტიკური მდებარეობის განმსაზღვრელ ფაქტორებს ლოკალურ და გლობალურ დონეებზე; ავლებს პარალელებს მსოფლიოს ქვეყნებთან; ü  საქართველოს გეოგრაფიული მდებარეობის (ფიზიკურ-გეოგრაფიული, ეკონომიკურ-გეოგრაფიული, გეოპოლიტიკური) განხილვა, შეფასება და მნიშვნელობის დადგენა ქვეყნის განვითარებისათვის. ü  რუკებისა და სხვა გეოგრაფიული საშუალებების წაკითხვა-გამოყენება და გაანალიზება; ü  გეოგრაფიული ინფორმაციის ინტერპრეტაცია და მისის სხვადასხვა სახით გამოსახვის უნარის განვითარება.
წინარე ცოდნა	·         საქართველოს ტერიტორიის ფორმირება. ·         საქართველოს პოლიტიკური გავლენის ქვეშ მყოფი ქვეყნები.
შეფასების საგანი და პროცედურები	მოსწავლეებს ვაფასებ წინასწარი შედგენილი შეფასების სქემის მიხედვით.
გამოყენებული სასწავლო მასალა და ტექნიკური რესურსი	სასწავლო მასალა: სახელმძღვანელო, მსოფლიოს პოლიტიკური რუკა, გლობუსი, ევროპის პოლიტიკური რუკა, მსოფლიოსა და ევროპის კონტურული რუკები; ტექნიკური რესურსი: ერთი კომპიუტერი, პროექტორი, ინტერნეტი, ელექტრონული პრეზენტაცია.
გაკვეთილის მსვლელობა და მენეჯმენტი	მისალმება/კლასის ორგანიზება -2 წთ გაკვეთილის A  ფაზა _ გამოწვევა აქტივობა 1 _ კითხვა-პასუხი - 4 წთ. 1.       რას ნიშნავს ობიექტის გეოგრაფიული მდებარეობა. 2.       როგორი გეოგრაფიული მდებარეობა შეიძლება ჰქონდეს ობიექტს? აქტივობა 2 _ ასოციაციური რუკის შექმნა _ 4 წთ დაფაზე დავწერ ტერმინს -„გეოგრაფიული მდებარეობა“ და მოსწავლეების პასუხებით ვავსებ ასოციაციურ (აზრობრივ) რუკას. გაკვეთილის B ფაზა - ცოდნის კონსტრუირება აქტივობა 2- ჯგუფური მუშაობა _ 20 წთ მოსწავლეები იყოფიან ოთხ-ხუთ კაციან ჯგუფებად. მასწავლებლის თხოვნით ისინი სახელმძღვანელოში პოულობენ თემა 4-ს,აკვირდებიან ნახატს და ასრულებენ დავალებას. რუკის დახმარებით მათ უნდა უპასუხონ კითხვებს და გამოიტანონ დასკვნა: ა) რომელი ქვეყნები და ქალაქები მდებარეობენ თბილისთან უფრო ახლოს? 2) რომელი ქვეყნები მდებარეობენ თბილისიდან უფრო შორს. გაკვეთილის C ფაზა _ რეფლექსია რუკის ანალიზის შემდეგ დასკვნა იქნება ცალსახა: თბილისთან უფრო ახლოს აზიის ქვეყნები და ქალაქები მდებარეობენ. შემდეგ მოსწავლეებს ეძლევათ დავალება ევროპის პოლიტიკური რუკის გამოყენებით ჩამოთვალონ: 1)      საქართველოს უშუალო მეზობელი ქვეყნები. 2)      საქართველოს უშუალო  არამოსაზღვრე ქვეყნები, 3)      გამოარკვიონ, რომელ ქვეყნებთან მიმართებაში აქვს საქართველოს: ა) ცენტრალური მდებარეობა, ბ) პერიფერიული მდებარეობა, მეზობლური მდებარეობა, დ) საზღვაო მდებარეობა.                                                                                 აქტივობა 3 - პრეზენტაცია 13 წთ.   ნამუშევრების წარდგენის შემდეგ  მოკლედ ვაჯამებ გაკვეთილზე ჩატარებულ აქტივობებს და მოსწავლეებთან ერთად განვსაზღვრავ საქართველოს ზოგად გეოგრაფიულ მდებარეობას.       აქტივობა 4 საშინაო დავალება 2წთ მოსწავლეებს სახლში მიეცემათ პირველი და მესამე დავალება.